Abrashi i përgjigjet Qalajt: E dëshmuat që keni kapur shtetin

18:41 | 28 Prill 2022
Gita

Pas deklaratës së ish-Drejtorit të Policisë së Kosovës, tashmë deputet i Partisë Demokratike të Kosovës (PDK), Rashiqt Qalaj se ka urdhëruar ndërhyrjen e njësitit FIT-it në Vetëvendosje dhe se nuk është pishman për këtë, ka reaguar deputeti i Vetëvendosjes, Artan Abrashi.

Ai tha se Qalaj është “dëshmia për kapjen e shtetit nga PDK-ja”.

“Ai që dikur ishte drejtor i operacioneve të përgjithshme të Policisë së Kosovës, urdhërdhënësi i ndërhyrjes në një parti politike të njësisë antiterror, FIT, dy javë pas përfundimit të misionit të tij në polici përfundon në listat zgjedhore të PDK-së dhe zgjidhet deputet. Nuk na duhet asnjë raport ndërkombëtar se shteti i Kosovës është i kapur”, tha ai./arbresh.info/

LEXO EDHE

Qalaj thotë se Policia po sulmohet në veri me të njëjtat mjete që i ka përdorur LVV-ja – Arbresh.info